縱使一直也不喜歡大陸及大陸人

但四川災民處於水深火熱之中, 由其是孤兒和有需要的人極需援助
同胞有難決不能坐視旁觀, 置身事外

現在正值國難當前, 請踴躍捐輸, 一分一毫積少成多
大家盡一分力, 或許捐出一日/一星期之人工, 幫助四川災民

今天開始全國哀悼三天, 所有娛樂活動取消
請參與網路公祭 512.china5000.org.cn

香港愈來愈凍, 新年就愈黎愈近, 工作量也相輔相成
本以為HSBC internship可以hea做, 點知1月尾開始日日忙到不可開交仲幾乎夜夜OT
尚有不足一個月就要番澳洲, 係香港呢三個半月總算平淡而充實, 搵到我想要既野 
係香港時我會好掛住Jazz, 但係澳洲時我會更掛住香港同屋企人, 點睇都係香港好......
昨晚睇左容祖兒演唱會;
雖然無我最想聽果首, 但係連續又吹又跳2個半小時, 真係值回票價! 

祝大家新年快樂 

近來都係番工同番工, 自己手頭上都係暫時得Daily Report同MTM Adjustment
反而d同事個個都好忙, 成日都要OT至12點先放工
但係自己做完手頭上既工作就無野做, 有時無野做坐係度都唔係咁好意思
傾開先知道呢家就算讀完master都未必入到i-bank, 原來仲有好多外在因素......

番左黎香港話咁快已經兩個月, 部分係澳洲plan好既節目都無實現到
好似番黎咁耐都係做野同做野, 但係坐係屋企又唔知做乜好, 又無自由
肯定既係仲有一個半月就番澳洲,
係香港時就有少少掛住澳洲, 但係係澳洲時就一定好掛住香港......

今日有兩件好開心既事發生左, 今日係好值得記下來既一日
第一樣就係買到2月2日容祖兒演唱會尾場既飛

而第二樣就更加意想不到,喜出望外......就係HSBC終於請左我做Financial internship喇
諗都無諗過可以做到HSBC既internship而且亦都唔係一件易事, 真係好多謝林生引廌我入去
而今日就係HR in左4個鐘, 總共做左4個test之後HR就決定請我同即時簽約, 下星期係中環總行番工;
與此同時, 亦都係Telstar financial internship功成身退既時候, 雖然做左短短兩個半星期,
但係番得好開心, 同事nice又無壓力, 最多謝就係阿婷佢地毫無保留咁教識左我好多野, 呢家要走真係百感交集......
等佢4月過來Brisbane玩既時候真係要好好感謝同酬謝佢!!

番到黎香港三星期, 岩岩開始做financial internship
係呢三星期好多事情都係意料之外, 原來想得太理想
歲月漫長, 終於感覺到......有少少掛住澳洲同布理斯班......
可能已經習慣悠閒既生活, 得閒就落Gold Coast滑水, 係The Spit邊睇海邊食海鮮;
呢家先感覺到星期日係東方食個下午茶之後去Woolworths買餸係件好過癮好悠閒既事
平時去旺角行街見到咁多人都已經唔想再行, 而家朝朝番工都感覺上好似好趕咁,
番工放工迫地鐵, 日日朝九晚六做同一樣野, 覺得好悶好厭倦
今個sem既成績比預期中好, 但讀書就想放假, 放假又想番學
係香港竟然會想番澳洲, 有時做人真係幾諷刺!!